Թթվային ռեֆլյուքսի դեմ դեղամիջոցների մշտական կիրառումը կարող է մեծացնել 2-րդ տիպի շաքարային դիաբետի զարգացման ռիսկը, ասվում է նոր հետազոտւոթյան մեջ, որի արդյունքները հրապարակվել են Gut ամսագրում:
Պարզվել է, որ որքան երկար է մարդն ընդունում այդ դեղամիջոցները, այնքան ավելի բարձր է դիաբետի զարգացման ռիսկը: Հենց այդ պատճառով մասնագետները խորհուրդ են տալիս այդ դեղամիջոցները երկու եւ դրանից ավել օգտագործող մարդկանց պարբերաբար արյան անալիզ հանձնել գլյուկոզայի մակարդակը սահմանելու համար:
Հետազոտությունների համար օգտագործվել են 204 600 մարդկանց տվյալներ: 9-12 տարում 10 100 մասնակիցների մոտ 2-րդ տիպի դիաբետ է ախտորոշվել:
Գիտնականները հայտնաբերել են, որ պրոտոնային պոմպի ինհիբիտոր մշտապես օգտագործողների մոտ 2-րդ տիպի դիաբետի զարգացման ռիսկը մեծ է եղել 24 տոկոսով:
Հետևեք NEWS.am Medicine-ին Facebook-ում և Twitter-ում