Կորոնավիրուսին հատուկ ախտանիշների ցուցակն ընդլայնվում է: Հայտնի է, որ կորոնավիրուսը կարող է արտահայտվել նաեւ կոնյուկտիվիտով եւ աչքերի հետ կապված այլ խնդիրներով: Սակայն արդյո՞ք դա նշանակում է, որ կարելի է կորոնավիրուսով վարակվել աչքերի միջոցով:
Մասնագետների խոսքով՝ ամենից հաճախ կորոնավիրուսը խոցում է թոքերը, դրա ծանր ձեւը կարող է առաջացնել սուր թոքաբորբ եւ սուր ռեսպիրատոր դիսթրես-համախտանիշ: Սակայն շատ պացիետներ հայտնում են աչքերի հետ կապված խնդիրների մասին, ինչը թույլ է տալիս հայտնել աչքերի միջոցով վարակի փոխանցման հնարավորության մասին, գրում է Express-ը:
Որոշ գիտնականներ կարծում են, որ վիրուսներով լորձի կաթիլները կամ վարակված ձեռքերը կարող են պաթոգենը տեղափոխել աչքի կոնյուկտիվիտի վրա:
Wiley օնայն գրադարանում հրապարակվել է հետազոտություն, որի համաձայն՝ կոնյուկտիվիտն իսկապես կարող է կորոնավիրուսի դրսեւորում լինել:
Կոնյուկտիվիտի տիպիկ ախտանիշներից են՝
աչքի սպիտակուցի կարմրածություն, այրման կամ ավազահատիկի զգացողություն, մեկ կամ երկու աչքից հեղուկի արտահոսք, քոր, արցունքահոսք:Մասնագետների խոսքով՝ բոլոր այդ ախտանիշները կարող են ազդանշել կորոնավիրուսով վարակման մասին:
Իսկ արդյո՞ք հնարավոր է վարակվել աչքերի միջոցով: Այո, հնարավոր է, պնդում են շատ մասնագետներ: Գիտնականների կարծիքով՝ մարդը կարող է վիրուսով վարակված աչքերը ձեռք տալ ձեռքերով եւ մյուսներին վարակել նրա հետ կոնտակտի ժամանակ:
Հետևեք NEWS.am Medicine-ին Facebook-ում և Twitter-ում