Լուրջ վիրահատությունը կարող է արագացնել Ալցհեյմերի հիվանդության զարգացումը: Այս մասին հայտնել են նիդերլանդացի գիտնականները, որոնք հետազոտության արդյունքները հրապարակվել են Journal of Alzheimer's Disease ամսագրում:
Հետազոտության հեղինակներն ուսումնասիրել են ողնուղեղային հեղուկում ամիլոիդ բետայի մակարդակի եւ վիրաբուժական միջամտության միջեւ կապը: Նրանք կոգնիտիվ թեստեր են անցկացրել 65 տարեկանից բարձր տարիքի առողջ մարդկանց շրջանում մինչեւ օրթոպեդիկ վիրահատությունը: Ամիլոիդ բետայի մակարդակը որոշելու համար ողնուղեղային հեղուկի նմուշները ստացվել են նարկոզով: Թեստերը կրկնվել են 9 ամիս անց:
Հետազոտողները հայտնաբերել են, որ պացիենտների կեսի մոտ կոգնիտիվ ունակությունները վատթարացել են՝ համեմատած մինչեւ վիրահատությունը վիճակի հետ, իսկ նրանց մոտ, որոնց մոտ փոխվել է ամիլոիդ բետայի մակարդակը, նկատվել է պատկեր, որը համեմատել է Ալցհեյմերի հիվանդության սկզբի հետ, որի ժամանակ գերակշռել են հիշողության հետ կապված խնդիրները:
Հետևեք NEWS.am Medicine-ին Facebook-ում և Twitter-ում