Դիարեայի բուժման համար արդեն հավանություն ստացած դեղամիջոցի կիրառումը կարող է նվազեցնել քիմիաթերապիայի հանդեպ կայունությունը քաղցկեղի ամենատարածված եւ դժվար բուժվող տեսակներից մեկի բուժման ժամանակ: Նոր հետազոտության արդյունքները հրապարակվել են Science Translational Medicine ամսագրում:
«ԴՆԹ-ի մուտացիաները քաղցկեղի շարժիչ ուժն են,- ասում է հետազոտության հեղինակ, բժիշկ Չի Վայ Էրիկ Սոն: - Այդ մուտացիաները, սակայն, պետք է տեղի ունենան ճիշտ բջիջներում, որպեսզի չարորակ դառնան: Ծագման բջիջները որոշելը կարեւոր է քաղցկեղի կենսաբանությունը հասկանալու եւ լավագույն թերապեւտիկ ռազմավարություն մշակելու համար: Այս հետազոտության մեջ մենք վերականգնել ու որոշել ենք մարդու լեյկեմիայի ագրեսիվ եւ բուժման հանդեպ ռեսիստենտ ձեւի ծագման բջիջները»:
Գիտնականները պարզել են, որ կայունության դեպքում բջիջներն արտահայտիչ են դարձնում հատուկ սպիտակուց, որն արտադրում է քիմիական դեղամիջոցներ: Գիտնականները դիարեայի դեմ հավանություն ստացած հակաբիոտիկն օգտագործել են մկների վրա, որոնց փոխպատվաստել էին մարդու լեյկեմիայի բջիջներ: Դեղամիջոցի կիրառման հետեւանքով բուժման հանդեպ կայունությունը նվազել է, եւ մկների ապրելիությունը զգալիորեն մեծացել է:
Հետևեք NEWS.am Medicine-ին Facebook-ում և Twitter-ում