Հիվանդությունների վերահսկման եւ կանխարգելման ամերիկյան կենտրոնի աշխատակիցներից մեկը պատահաբար երկրի գյուղատնտեսության նախարարությանը կից գործող լաբորատորիաներից մեկում պահվող հավի ճտերի համար պատրաստված պատվաստանյութին թռչնագրիպի վիրուսի շտամ է ավելացրել: Այնուհետեւ «մահացու կոկտեյլը» կենտրոնից հիշյալ լաբորատորիա է ուղարկվել, որտեղ էլ ներարկում ստացած բոլոր թռչունները կարճ ժամանակ անց սատկել են, հաղորդում է CBSNews-ը:
Տեղի ունեցածի բոլոր հանգամանքները միայն լաբորատորիայում իրականացված ներքին հետաքննության արդյունքում՝ պատվաստանյութի մեջ մահացու բաղադրիչի հայտնաբերումից հետո են պարզվել: Տեղեկությունների համաձայն, վիրուսը մարդու չի անցել, իսկ հարուցիչի աղբյուրն անմիջապես վերացվել է, սակայն հիվանդությունների վերահսկման եւ կանխարգելման կենտրոնում ծառայողական քննություն է սկսվել, որի արդյունքում տարատեսակ վիրուսների հետ աշխատանքը կարգավորող անվտանգության կանոնների պարբերական խախտման վերաբերյալ ապացույցներ են ստացվել:
Հետևեք NEWS.am Medicine-ին Facebook-ում և Twitter-ում