Նիհարելու համար ամենեւին պարտադիր չէ քնել սոված փորին, պնդում է սննդաբան-էնդոկրինոլոգ Անժելիկա Չիժը (Ռուսաստան): Նրա խոսքով՝ մինչեւ կեսգիշեր օրգանիզմում արտադրվում է ճարպ այրող հորմոն՝ սոմատոտրոպին:
«Դրա արտադրման համար պետք է կատարել երկու քայլ: Առաջին քայլը՝ քնելուց առաջ ուտել երկու խաշած ձվի սպիտակուց: Երկրորդ քայլը՝ պառկել քնելու մինչեւ երեկոյան ժամը 11-ը: Առավոտյան 300 գրամ քաշ կորցրած կլինեք»,-ասել է նա «Դոկտոր Պիտեր» պորտալի հետ զրույցում:
Մասնագետը նաեւ թվարկել է մթերքները, որոնցից չպետք է ազատվել նույնիսկ դիետայի ժամանակ: Առաջին հերթին դրանք սպիտակուց պարունակող մթերքներն են՝ հավ, հնդկահավ, ձուկ, ձու եւ ոչ ճարպոտ միս: Դրանք բոլորն անհրաժեշտ են ոսկորների ամրության, իմունային համակարգի, մաշկի լավացման եւ հորմոնների արտադրման համար: Բացի այդ, չպետք է մոռանալ բջջանյութերի մասին, որոնցով հարուստ են բանջարեղենը, մրգերը, լոբազգիները, կանաչին:
Էնդոկրինոլոգը նաեւ հիշեցնում է ջրային բալանսի պահպանման կարեւորության մասին:
Հետևեք NEWS.am Medicine-ին Facebook-ում և Twitter-ում