Ուսերի ցավը կարող է տարբեր հիվանդությունների նշան լինել՝ ներառյալ թոքերի քաղցկեղի, հատկապես, եթե դրանք ցավում են գիշերային ժամերին:
Ըստ ԱՄՆ-ի Մոֆիթի օնկոլոգիական կենտրոնի մասնագետների՝ եթե հանգստի ժամանակ ուսի շրջանում ցավ է առաջանում, ընդ որում գիշերը ցավն ուժգնանում է, սակայն չկա շարժունակության կորուստ, դա կարող է վկայել թոքերի քաղցկեղի մասին: Ուռուցքը կարող է ճնշում գործադրել մոտ գտնվող նյարդի վրա, ինչը ցավի զգացողություն է առաջացնում:
Ուսի ցավը կարող է կապված լինել նաեւ ոսկրային մետաստազների հետ: Ըստ Verywell Health-ի՝ թոքերի քաղցկեղով հիվանդ մարդկանց մոտ 30-40 տոկոսը վաղ թե ուշ ոսկրային մետաստազներ է ունենում:
Այնուամենայնիվ, ուսի ցավը, անշուշտ, թոքերի քաղցկեղի միակ վաղ նշանը չէ: Այդ հիվանդության առկայության մասին կարող են վկայել նաեւ քաշի անբացատրելի կորուստը, հոգնածության չափից մեծ զգացողությունը, շնչահեղձությունը, շնչառության դժվարությունը, չդադարող հազը, արյուն հազալը եւ վերին վերջույթների լիմֆատիկ հանգույցների այտուցումը:
Հետևեք NEWS.am Medicine-ին Facebook-ում և Twitter-ում