Որոշ մթերքներ կարող են օգտակար լինել սրտանոթային համակարգի համար, դրանց օգտագործումը նվազեցնում է կաթվածի զարգացման ռիսկը։ Դրանք թվարկել է ննդաբան Լերա Լավսկին:
«ՌԻԱ Նովոստի»-ի փոխանցմամբ՝ աշխարհում մահացության ամենատարածված պատճառը սրտանոթային հիվանդություններն են, այդ պատճառով էլ արյան անոթների առողջության պահպանումը, արյան ճնշման եւ խոլեստերինի մակարդակի վերահսկումն այդքան կարեւոր են։
Մասնագետի խոսքով` արյան անոթների պատերն ամրացնելու համար անհրաժեշտ է վիտամին C օգտագործել: Ամենից շատ այն պարունակվում է մասուրի, թթու կաղամբի, սեւ հաղարջի եւ կիվիի մեջ, եւ այս բոլոր մթերքները խորհուրդ է տրվում ներառել սննդակարգում, եթե դրա համար հակացուցումներ չկան:
Բարձր խոլեստերինը նվազեցնելու համար խորհուրդ է տրվում ամեն օր հում սոխ եւ սխտոր, ինչպես նաև B խմբի վիտամիններ ուտել, որոնք առկա են հատիկաընդեղենի, ենթամթերքների եւ ամբողջական ալյուրից հացի ջեւ։
Լավսկին նաեւ խորհուրդ է տալիս շաբաթական առնվազն 3 անգամ կարմիր ձուկ, կտավատի սերմեր եւ սոճու ընկույզ ուտել: Նրա խոսքով՝ ոսկրային արգանակում առկա կոլագենն արյան անոթների պատերի կառուցվածքային տարր է, եւ անոթային համակարգի թուլությունը հաճախ կապված է դրա բացակայության հետ։
Ընկույզներում եւ սերմերում առկա մագնեզիումն օգնում է պահպանել արյան ճնշման նորմալ մակարդակը, ուստի խորհուրդ է տրվում սննդակարգում ներառել այս մթերքները՝ չմոռանալով դրանց բարձր կալորիականության մասին:
Հետևեք NEWS.am Medicine-ին Facebook-ում և Twitter-ում