Մոսկվայի պետական համալսարանի Բժշկական գիտակրթական կենտրոնի բժիշկ-էնդոկրինոլոգ, բժշկական գիտությունների թեկնածու Զուհրա Պավլովան հայտնել է, որ երբեմն վիտամինների ընդունումը կարող է հանգեցնել այնպիսի անցանկալի հետեւանքների, ինչպիսին է ավելորդ քաշի ձեռբերումը: Այս մասին նա հայտարարել է Sputnik ռադիոկայանի եթերում:
«Ժողովրդի շրջանում վիտամիններն անվանում են խթանիչ նյութեր: Բժշկական տեսանկյունից՝ դա ճիշտ բնորոշում չէ, սակայն մարդիկ սիրում են այդպես ասել: Վիտամիններն իսկապես խթանում են նյութափոխանակությունը եւ բարձրացնում են ախորժակը: Հավելյալ կիլոգրամները վիտամիններ ընդունելիս ձեռք են բերվում ոչ թե այն պատճառով, որ հենց այդ դեղամիջոցներն են կալորիաներ պարունակում, այլ այն պատճառով, որ դրանք ախորժակ են գրգռում»,- ընդգծել է Պավլովան:Մասնագետն ընդգծել է, որ մարդիկ, որոնք վիտամիններ են ընդունում մշտական հիմունքով, պետք է զբաղվեն սպորտով եւ ճիշտ սնվեն: Ուտելու ժամանակ մենք չպետք է հեռուստացույց նայենք կամ մեկ այլ գործով զբաղվենք, քանի որ ուտելիքը վատ է յուրացվում եւ հագեցվածության զգացում չի առաջանում: Այդ ամենը հանգեցնում է ավելրոդ քաշի ձեռքբերման:
Հետևեք NEWS.am Medicine-ին Facebook-ում և Twitter-ում