Արտակարգ բարձր ջերմաստիճանի պայմաններում օրգանիզմը սառեցնելու ուղիներ գտնելը շատ կարեւոր է, ինչպես նաեւ կարեւոր է ապահովել, որ ձեր դեղամիջոցները չենթարկվեն արտակարգ շոգի ազդեցությանը: Mayo կլինիկայի դեղագործ Սքոթ Հոլը նշում է, որ ջերմաստիճանի տատանումները կարող են քայքայել դեղամիջոցները, իսկ որոշ դեղեր կարող են ջերմությունը չտանելու պատճառ դառնալ, գրում է Medical Xpress-ը։
Ջերմաստիճանը կարող է ազդել մարդու ընդունած ցանկացած դեղամիջոցի վրա, սակայն դրանցից որոշներն ավելի հակված են խնդիրների, քան մյուսները:
«Ինսուլինն, անկասկած, այդ դեղամիջոցներից մեկն է,- ասում է Հոլը,- Ուստի շաքարախտով պացիենտները պետք է աշխատեն ինսուլինը չպահել այնպիսի տեղում, որտեղ ջերմաստիճանը շատ բարձր է»։
Պահպանեք ձեր դեղերը զով, չոր տեղում: Եթե դրանք պահում եք լոգարանում, որտեղ լոգանք եք ընդունում, թողեք դեղամիջոցներն իրենց օրիգինալ փաթեթավորման մեջ, խորհուրդ է տալիս մասնագետը։
«Շշերի մեջ պահելը, որի դեպքում դրանք կարող են հերմետիկ մնալ, իսկապես օգնում է կանխել ջերմության ցանկացած բացասական ազդեցություն»,- ընդգծում է դեղագործը։
Որոշ դեղամիջոցներ կարող են առաջացնել ջերմության անհանդուրժողականություն: Դրանց թվում են՝
- ճնշման դեղերը
- հակահիստամինային դեղերը
- դեկոնգեստանտները
- հոգեբուժական դեղերը։
Եթե հարցեր ունեք ձեր դեղերի վերաբերյալ, կարեւոր է հարցնել մասնագետներին:
«Եթե հարցեր ունեք ձեր դեղերի եւ դրանց պահպանման վերաբերյալ կամ ինչպես դրանք կարող են ձեզ վրա ազդել շոգ եղանակին, ապա ձեր դեղագործի հետ խոսելու ճիշտ ժամանակն է,- եզրափակել է Հոլը,- Նրանք կարող են տրամադրել այն տեղեկատվությունը, որն անհրաժեշտ է հասկանալու համար, թե ինչ հնարավորություններ կան»:
Հետևեք NEWS.am Medicine-ին Facebook-ում և Twitter-ում