Թաթարստանի մայրաքաղաք Կազանում սեպտեմբերի 16-ին տեղի է ունեցել ԱՊՀ եւ Եվրասիայի երկրների օնկոլոգների եւ ռադիոլոգների VIII համագումարը: Միջոցառմանը մասնակցում են ավելի քան 2,5 հազար մասնագետներ Ռուսաստանից, Ֆինլանդիայից, Անգլիայից, Իսրայելից եւ ԱՊՀ երկրներից: Հայաստանը համագումարում ներկայացնում է Ոռուցքաբանության ազգային ինստիտուտի պատվիրակությունը:
Համագումարը կտեւի մինչեւ սեպտեմբերի 18-ը: Համագումարի գիտական աշխատանքում հիմնական ուշադրությունը կհատկացվի օնկոլոգիական հիվանդությունների իննովացիոն մեթոդներին եւ չարորակ գոյացություններով հիվանդների դիագնոստիկային:
ԱՊՀ երկրներից հատուկ սկսնակ օնկոլոգների համար կազմակերպվել է երիտասարդ գիտնականների մրցույթ, որի շրջանակներում սկսնակ մասնագետների համար բացառիկ հնարավորություն կա ներկայացնել իրենց աշխատանքները, որոնք իրենց ներդրումն են ունենում ոլորտի զարգացման գործում:
Հետևեք NEWS.am Medicine-ին Facebook-ում և Twitter-ում