Ձախ կողքի վրա քնած մարդկանց մոտ մղձավանջների վտանգը ավելի մեծ է: Դա կարող է պայմանավորված լինել այս դիրքում սրտի վրա սթրեսի ավելացմամբ, հայտնում է Daily Mail-ը։
Sleep and Hypnosis ամսագրում հրապարակված հետազոտությունը ցույց է տվել, որ ձախ կողմ թեքված քնող մարդկանց 41%-ը մղձավանջներ է տեսնում: Նրանց մեջ, որոնք նախընտրում են քնել աջ կողքի վրա, մղձավանջներ են հանդիպում 15%-ի մոտ։
Սա, հավանաբար, պայմանավորված է նրանով, որ ձախ կողմում քնած մարդիկ ավելի մեծ ծանրաբեռնվածություն ունեն սրտի վրա: 2018 թվականի ուսումնասիրությունը (հրապարակված BioMedical Engineering OnLine ամսագրում) պարզել է, որ այս կեցվածքը կապված է սթրեսին բնորոշ սրտի գործունեության հետ։ Այն դժվար թե լուրջ խնդիրներ առաջացնի սրտային հիվանդություն չունեցող մարդկանց մոտ, սակայն քնած ժամանակ անհանգստության զգացումը կարող է հանգեցնել տհաճ երազների։
Մեջքի վրա քնելը եւս կարող է տհաճ երազներ առաջացնել, հատկապես այն մարդկանց մոտ, որոնք օբստրուկտիվ ապնոէ ունեն: Այս վիճակը հաճախ ուղեկցվում է խռմփոցով և շնչառության կանգով: Մեջքի վրա պառկելը վատթարանում է ախտանիշները և կարող է հանգեցնել հաճախակի արթնացման, անհանգստացնող երազների և մղձավանջների:
Հետևեք NEWS.am Medicine-ին Facebook-ում և Twitter-ում