Իսպանիայում Օբերտա դե Կատալոնական համալսարանի գիտնականների խմբի կողմից կատարված հետազոտությունը ցույց է տվել, որ ժենշենի օգտագործումը նպաստում է մարզվելուց հետո արագ վերականգնմանը, բարելավում է կատարողականությունը և նվազեցնում վնասվածքների վտանգը: Գիտական աշխատանքի արդյունքները հրապարակվել են Nutrients ամսագրում։
Նշվում է, որ գիտական աշխատանքն ավելի քան 700 հետազոտությունների ակնարկ է, որոնք նախկինում ուսումնասիրել են տարբեր գործոնների (այդ թվում՝ սնուցման) ազդեցությունը սպորտի արդյունավետության վրա։ Արդյունքների համաձայն՝ ժենշենի օգտագործումն ուղղակիորեն ազդում է մարզվելուց հետո հոգնածության նվազեցման վրա։ Մարմնի ինքնաբուժման կարողության ուժեղացումը անմիջականորեն կապված է հետագա վարժությունների ժամանակ տարբեր վնասվածքների ռիսկի նվազեցման հետ։
Գիտնականները նաև պարզել են, որ ժենշենի մեջ պարունակվող ակտիվ կենսաբանական միացություններն ունեն հզոր հակաօքսիդանտ և հակաբորբոքային հատկություններ։ Նրանք ի վիճակի են կարգավորել կորտիզոլի մակարդակը՝ սթրեսի հորմոնը, դրանով իսկ բարելավելով օրգանիզմի շատ նյութափոխանակության գործառույթները և օգնելով իմունային համակարգի ճիշտ աշխատանքին:
Բացի այդ, հետազոտողները պարզել են, որ ժենշենի մշտական օգտագործումը երկար ժամանակ կարող է նվազեցնել օրգանիզմում կենսաբանական մարկերների՝ կրեատին կինազայի (CK) և ինտերլեյկին 6-ի (IL-6) կոնցենտրացիաները, որոնք պատասխանատու են վարժությունից առաջացած մկանների վնասման և բորբոքման համար:
Հետևեք NEWS.am Medicine-ին Facebook-ում և Twitter-ում