Հայաստանում մեռելածնության դեպքերն ավելի քիչ են, սակայն մանկական մահացության ցուցանիշները դեռ չեն նվազել։ Դրա մասին Ազգային ժողովում մարտի 22-ին հայտարարել է ՀՀ առողջապահության նախարար Անահիտ Ավանեսյանը՝ ԱԺ Առողջապահության մշտական հանձնաժողովի նիստում՝ կառավարության ծրագրի (2021-2026)՝ 2023 թվականի կատարման ընթացքի և արդյունավետության հաշվետվության քննարկման ժամանակ։
Ավանեսյանը նշել է, որ Առողջապահության նախարարության մասնագետները վերլուծում են իրավիճակը՝ հասկանալու համար, թե ինչ լրացուցիչ միջոցներ է անհրաժեշտ ձեռնարկել։
Նախարարը շեշտել է հիվանդությունների վաղ հայտնաբերման աճի և մահացության 1%-ով կրճատման փաստը։ Ավանեսյանը վստահեցրել է, որ նման արդյունքների են հասել կառավարության ձեռնարկած միջոցառումների շնորհիվ։
«Սրան նպաստել է նաև բժշկական օգնության մատչելիության բարձրացումը»,- ընդգծել է գերատեսչության ղեկավարը։
Հետևեք NEWS.am Medicine-ին Facebook-ում և Twitter-ում