ՄԱԿ-ի՝ Սիերա-Լեոնեում Էբոլա հեմոռագիկ տենդով վարակված աշխատակցուհին ֆրանսիացի բժիշկների ջանքերով այլեւս բուժվել է մահացու վտանգավոր վիրուսից, դուրս գրվել հիվանդանոցից եւ մեկնել Ֆրանսիայից: Այս մասին տեղեկությունները երկրի առողջապահության ազգային նախարարությունից են հայտնել:
ՏԱՍՍ գործակալության հաղորդմամբ, սա արդեն երկրորդ դեպքն է, երբ ֆրանսիացի բժիշկներին հաջողվում է Աֆրիկայում մահացու վտանգավոր հիվանդությամբ վարակված մարդկանց բուժումը դրական արդյունքի հասցնել: Սեպտեմբեր ամսին էլ նրանց ջանքերով «Բժիշկներ առանց սահմանների» կազմակերպության՝ Լիբերիայում աշխատող մասնագետներից մեկն էր բուժվել:
Առողջապահության համաշխարհային կազմակերպության (ԱՀԿ) կողմից տարածված վերջին տվյալների համաձայն, Էբոլա վիրուսով հրահրվող հիվանդության համաճարակի զոհերի թիվը 5,4 հազարի սահմանագիծն է հատել, վարակվածներինը՝ 15,3 հազարի:
Հետևեք NEWS.am Medicine-ին Facebook-ում և Twitter-ում