Հայաստանում 2013 թվականի 11 ամսվա ընթացքում ծնվել է 38453 երեխա։ Այս մասին NEWS.am Medicine-ին հայտնեցին ՀՀ Առողջապահության նախարարությունից։
Ցուցանիշով առաջին տեղում է մայրաքաղաքը՝ մինչեւ 2013 թ նոյեմբերի 30-ի տվյալներով Երեւանի ծննդատներում լույս աշխարհ է եկել 19732 մանուկ, եւ այս ցուցանիշը գերազանցում է բոլոր մարզերի գումարային թիվը։
Մարզային ծննդատներում 11 ամսվա ընթացքում ծնվել է 18721 երեխա։ Մարզերից առաջատարն է Արարատը՝ 2361 երեխա, հետնապահն է Վայոց Ձորը՝ 479 երեխա։
Արագածոտնի մարզում նորածինների թիվը կազմել է 1064, Սյունիքի մարզում՝ 1324, Կոտայքի՝ 2262, Արմավիրի՝ 1817, Գեղարքունիքի՝ 2305, Լոռու՝ 2620, Շիրակի՝ 3350, Տավուշի՝ 1189, Վայոց Ձորի՝ 479։
Հետևեք NEWS.am Medicine-ին Facebook-ում և Twitter-ում