ՌԴ Կալուգայի շրջանում արձանագրվել է խոզի գրիպով (А /H1N1 ) պայմանավորված մահվան առաջին դեպքը:
Օբնինսկի գլխավոր սանիտարական բժիշկ Անատոլի Իվանովը հայտնեց, որ 37-ամյա բնակիչը բուժհաստատություն է դիմել հիվանդության 4-րդ օրը: Նա հոսպիտալացվել է, իսկ երկու օր անց մահացել: Լաբորատոր հետազոտությունները հաստատեցին մահացածի մոտ խոզի գրիպի առկայությունը:
Հիշեցնենք՝ ավելի վաղ մահվան ելքով խոզի գրիպ էր արձանագրվել Հյուսիսային Օսիայում: Ընդհանուր առմամբ հանրապետությունում գրիպի հետ կապված բարդացումներից 13 մարդ է մահացել: Եվս մի հոգի մահացել է Ստավրոպոլում:
ԳՀԻ տվյալներով՝ ՌԴ-ում գրիպի հիվանդացության շեշտակի աճ է արձանագրվել А(H3N2) վիրուսի կառուցվածքային փոփոխությունների պատճառով: Այս վիրուսի տարածման հետեւանքով վարակվում են նույնիսկ պատվաստված մարդիկ:
Հետևեք NEWS.am Medicine-ին Facebook-ում և Twitter-ում