Ծնկային հատվածում ճարպային բջիջների ներարկումները կարող են 75 տոկոսով նվազեցնել օստեսարթրիտով տառապողների ցավերը, նշում են չեխ գիտնականները:
Բացահայտումն արվել է օստեոարթրիտի փորձարարական բուժման ընթացքում, որին մասնակցած 1114 կամավոր իր համաձայնությունն է տվել սեփական ճարպային բջիների ներարկում ստանալ ծնկի հատվածում: Այնուհետեւ գիտնականները հետեւել են հիվանդների առողջական վիճակին 12-54 ամիս ենթադրող ժամանակահատվածի ընթացքում:
Հիվանդների առողջական վիճակն ու ներարկումների արդյունավետությունը գնահատվում էր ցավի սրության եւ ինտենսիվության ցուցանիշների, ոչ ստերոիդային անալգետիկների, այտուցումների, ինչպես նաեւ մի շարք այն նմանատիպ ցուցանիշների հիման վրա: Ստրոմալ-վասկուլյար բջիջների ներարկումը, ինչպես պարզվեց, կողմնակի ազդեցություն չունի: Ճարպային բջիջները համակարգային ինֆեկցիաներ չեն կարող առաջացնել, ոչ էլ չարորակ գոյացություններ:
Հիվանդների մեծ մասի առողջական վիճակը բարելավվել էր ներարկումից հետո 3-12 ամսվա ընթացքում
Հիշեցնենք, որ ճարպային բջիջները լայնակի կիրառում ունեն ժամանակակից բժշկությունում: Դրանք օգտագործվում են բազմաթիվ հիվանդությունների՝ ներառյալ Կրոնի հիվանդությունը, ցրված սկլերոզը եւ ռեվմատոիդ արթրիտը, կաթվածը եւ այլն: Ճարպային բջիջների ներարկումներն օգտագործվում են նաեւ կրծքագեղձի վերականգնողական վիրահատությունների համար:
Հետևեք NEWS.am Medicine-ին Facebook-ում և Twitter-ում