Ամերիկյան Նեբրասկա նահանգի բնակչուհիներից մեկը, որի ուղեղը երկու ամիս առաջ մահացել էր, առողջ երեխա է ունեցել։ Այդ ողջ ընթացքում նա միացված է եղել կենսագործունեության սարք, որպեսզի կինը կարողանա ծննդաբերել։
22-ամյա Կառլա Պերեսը հղի է եղել, երբ փետրվարին իր տանը քիչ է մնացել մահանա ուժեղ արյունահոսությունից։ Թեեւ նրա ուղեղը մահացել է, բժիշկները 54 օր շարունակ նրան միացրած են թողել կենսագործունեության սարքին, հաղորդում է Mirror-ը։
Ապրիլին, երբ պտուղն արդեն հասունացած է եղել, բժիշկները Կառլային կեսարյան հատման վիրահատության են ենթարկել։ Կինը տղա է ունեցել։«Կառլայի մահը ծանր կորուստ է, սակայն նա հրաշալի ժառանգություն է թողել»,-հայտարարել է հիվանդանոցի փոխնախագահ Սյու Քորթը։
Բժիշկները նշում են, որ մոր վիճակը լուրջ բարդություններ չի առաջացրել երեխայի համար։ Փոքրիկի վիճակը կայուն է։
Հետևեք NEWS.am Medicine-ին Facebook-ում և Twitter-ում