Վիտամին D-ի հաբերը, հավանաբար, չեն կարողանա օգնել կոտրվածքների դեպքում, հայտնում են Նոր Զելանդիայի Օկլենդի համալսարանի գիտնականները: Փոխարենը այս դեղորայքը ավելի հավանական է դարձնում երիկամների խնդիրները:
Միլիոնավոր մարդիկ ամբողջ աշխարհում վիտամին D-ի հավելումեր են օգտագործում ոսկորների ամրության տարիքային կորստի կանխարգելման համար, սակայն այս հավելումերի ընդունումը այնքան էլ արդարացված չի, հայտնում են հետազոտողները: Չկան բավարար ապացույցներ՝ առ այն, որ այս հավելումները կարող են կանխել կոտրվածքները: Հակառակը, դրանք կարող են երիկամներին վնաս հասցնել և իսուլտի պատճառ դառնալ:
Հետազոտողների խոսքով՝ այս հաբերի առավելությունը ուռճացված է արտադրողների կողմից: Մարդկանց մեծամասնությունը բավարար քանակի կալցիում եէ ստանում սննդամթերքի հետ՝ հիմնականում կաթնամթերքի հետ: Ինչ վերաբերվում է վիտամին D-ին, այն իրականում շատ չի օգնում մեր օրգանիզմին ներծծել կալցիումը:
Հետազոտողները պարզել են, որ այս վիտամինային հավելումները ավելի հավանական են դարձնում ինսուլտը, քարերի առաջացումը երիկամներում, կաթվածը: Նրանց խոսքով՝ 65-ից բարձր մարդիկ չպետք է ամեն օր վիտամին D ընդունեն օստեոպորոզի կանխարգելման համար, ինչպես դա հաճախ խորհուրդ է տրվում:
Հետևեք NEWS.am Medicine-ին Facebook-ում և Twitter-ում