Գենետիկորեն մոդիֆիկացված օրգանիզմներ (ԳՄՕ) պարունակող սննդամթերքը, սթրեսները, ուժասպառությունը եւ վնասակար սովորույթները տղամարդկանց մոտ սեռական անկարողության պատճառ են դառնում, ցույց է տվել ամերիկացի գիտնականների իրականացրած հետազոտությունը:
Ինչպես փոխանցում է Independent News.RU-ն, հետազոտողները կամավորների են հավաքել եւ նրանց երկու խմբի են բաժանել: Յուրաքանչյուր խմբի համար առանձնահատուկ սննդակարգ են սահմանել: Տղամարդկանց մի խումբը ԳՄՕ-ով սննդամթերք է օգտագործել, եւ հենց այդ խմբի մոտ հետազոտության ավարտին սեռական անկարողության նշաններ են արձանագրվել:
Իհարկե, փորձագետներն առայժմ չեն կարող ասել, թե ԳՄՕ-ներն ինչպես են արգելափակում տղամարդկանց վերարտադրողական համակարգը: Բայց հիմքեր կան կարծելու, որ սննդակարգում ԳՄՕ-ի մեծ քանակությունն անպտղության է հանգեցնում:
Արժե նշել, որ ԳՄՕ-ի վնասի վերաբերյալ զրույցներ վաղուց են տարվում, բայց գիտնականներն ու սննդամթերք արտադրողները շարունակում են ակտիվորեն ԳՄՕ-ի տեխնոլոգիաներ ներդնել արդյունաբերության մեջ:
Հետևեք NEWS.am Medicine-ին Facebook-ում և Twitter-ում