Բժիշկները բացահայտել են հաջողությամբ նիհարելու հիմնական գաղտնիքը, որը, նրանց կարծիքով, համապատասխան եղանակով սնվելն է: Մի քանի միջազգային փորձագետներ British Journal of Sports Medicine պարբերականում իրենց կարծիքն են հայտնել ավելորդ քաշի եւ նիհարելու թեմաների շուրջ:
«Ֆիզիկական ակտիվությունը քիչ է օգնում ճարպակալման դեմ պայքարում, ավելորդ քաշի դեմ պայքարելիս անհամեմատ ավելի արդյունավետ միջոց է ճիշտ սնվելը»,- կարծում են բժիշկները: Փորձագետները խստորեն են արտահայտվել նիհարելու գործում ինտենսիվ մարզումների դերի շուրջ. սպորտի արդյունավետությունը նրանք հորինվածք են համարել:
Սրտաբան Ասիմ Մալհոտրան հայտարարել է, որ հասարակությանը պարտադրվում է այն միտքը, թե սպորտով զբաղվելու պարագայում կարելի է ինչ ասես ուտել: Իրականում, սակայն, այդպես չէ: «Ճարպակալմամբ տառապող մարդը չպետք է ավելացնի ֆիզիկական ծանրաբեռնվածությունը: Քաշ կորցնելու համար անհրաժեշտ է քիչ ուտել»,- ամփոփել է հեղինակավոր սրտաբանը:
Միաժամանակ, ըստ գիտնականների, ֆիզիկական վարժություններն անվիճելիորեն բարենպաստ ազդեցություն ունեն օրգանիզմի վրա: Մասնավորապես, սպորտն օգնում է նվազեցնել դիաբետի, սրտային հիվանդությունների, ձեռքբերովի թուլամտության վտանգը:
«Բայց նրանց համար, ովքեր ճարպակալմամբ են տառապում, անհամեմատ ավելի կարեւոր է գնահատել իրենց սնվելու սովորույթները եւ հրաժարվել շաքարի ու ածխածինների հավելյալ օգտագործումից»,- պնդում են մասնագետները:
Հետևեք NEWS.am Medicine-ին Facebook-ում և Twitter-ում