Ամեն օր միս եւ ձուկ ուտելը նույնքան օգտակար է սրտի համար, որքան ծխելուց հրաժարվելը: Այս մասին հայտարարել են Արեւելյան Անգլիայի համալսարանի գիտնականները, որոնց հետազոտության արդյունքները հրապարակվել են Journal of Nutrition ամսագրում:
Հետեւելով 2.000 կանանց՝ նրանք հայտնաբերել են, որ մեծ քանակությամբ սպիտակուցային սնունդ օգտագործողներն ավելի ցածր ճնշում եւ ավելի առողջ անոթներ ունեն, ինչը զգալիորեն նվազեցնում է սրտի եւ ուղեղի կաթվածի վտանգը: Այսպիսի սննդակարգի առավելությունը բացատրվում է մեծ քանակությամբ ամինաթթուների պարունակությամբ, որոնք օգնում են ամրացնել մարմնի բջիջները, հյուսվածքներն ու մկանները:
Սպիտակուցներով հարուստ են միսը, ձուկը, կաթնամթերքը, լոբազգիները, բրոկոլին եւ սպանախը: Հետաքրքիր է, որ ամինաթթուների տարբեր աղբյուրներ տարբեր առավելություններ ունեն. բանջարեղենից եւ լոբազգիներից ստացվող ամինաթթուներն իջեցնում են զարկերակային ճնշումը, իսկ կաթից, մսից եւ ձկից ստացված ամինաթթուները նվազեցնում են զարկերակային կարծրության մակարդակը:
Ամեն դեպքում, սրտի հիվանդություններից խուսափելու համար գիտնականները խորհուրդ են տալիս ամեն օր 75 գրամ սթեյք օգտագործել, 100 գրամ սաղմոնի փափկամիս կամ 500 մլ ցածր յուղայնությամբ կաթ:
Հետևեք NEWS.am Medicine-ին Facebook-ում և Twitter-ում