Բնական գիտությունների պետական ինստիտուտի (Փիքեն) ճապոնացի գիտնականները առաջին անգամ ապացուցել են տեսողության հետ կապակցված հիվանդությունների բուժման ժամանակ ցողունային բջիջների (iPS-բջիջների) գործածման արդյունավետությունը:
Հետազոտողների տվյալներով, մարդուն ցողունային բջիջներից աճեցված աչքի ցանցաթաղանթ ներպատվաստելուց մեկ տարի անց ոչ մի կողմնակի էֆֆեկտ չի նկատվել: Ճապոնացի գիտնականներին նաեւ հաջողվել է բուժումից հետո մեծացնել հիվանդի «տեսողության ոլորտը»: Սա վկայում է նրանց առաջարկած մեթոդի արդյունավետության մասին:
Ճապոնիայի մասնագետներն անցած տարվա սեպտեմբերին արեցին ցողունային բջիջներից աճեցված աչքի ցանցաթաղանթի ներպատվաստման աշխարհի առաջին վիրահատությունը: Հիվանդը մակիլոդիստրոֆիայով հիվանդ 70 ամյա կին էր: «Ռիկեն» ինստիտուտի գիտնականները մտադիր են շարունակել հետազոտությունները ցողունային բջիջների կիրառման ոլորտում ու եւս մի քանի նույնատիպ վիրահատություն անել:
Մակուլոդիստրոֆիան ախտահարում է աչքի ցանցաթաղանթը ու տարեց մարդկանց շրջանում կուրության գլխավոր պատճառներից մեկն է համարվում: Այս հիվանդության գոյություն ունեցող բուժման մեթոդներն ունակ են միայն ժամանակավորապես վերացնել դրա ախտանիշները:
Հետևեք NEWS.am Medicine-ին Facebook-ում և Twitter-ում