Վիրահատություն ծրագրող մարդիկ ցանկալի է, որ հրաժարվեն ծխելուց, հավաստիացնում են ԱՄՆ Բեյլորովյան բժշկական քոլեջի մասնագետները: Ծխելուց հրաժարվելը կարող է օգնել ավելի արագ վերականգնվել ցանկացած՝ մասնավորապես կրծքի վերականգնման վիրահատությունից հետո:
Կրծքի ռեկոնստրուկցիայի շնորհիվ կրծքի քաղցկեղից բուժված կանայք կարող են իրենց ֆիզիկապես կամ զգացմունքայնորեն լիարժեք զգալ: Այսօր նրանց տրամադրության տակ են վիրաբուժական ամենակատարյալ մեթոդաբանությունները , հետեւաբար կանայք ավելի մեծ ընտրություն ունեն վիրահատության տեսակն ընտրելու հարցում: Բայց եթե կինը ծխում է՝ դա նկատելիորեն բարդացնում է թե բուն վիրահատությունը, թե դրանից հետո վերականգնվելու բուժակարգը:
Բանն այն է, ծխող մարդկանց մոտ վերքերն ավելի դանդաղորեն են լավանում, հատկապես եթե հիվանդներն անցնում են այնպիսի բուժակարգեր, որոնց ժամանակ պահանջվում է ձգել հյուսվածքը: Որոշ պլաստիկ վիրաբույժներ նույնիսկ հրաժարվում են վերականգնել հիվանդների կուրծքը, քանի դեռ նրանք չեն հրաժարվում ծխելուց, քանի որ բարդացումների ռիսկն այդ դեպքում չափազանց մեծ է:
Ձեր ուշադրությանն ենք ներկայացնում վիրահատությունից առաջ ծխելուց հրաժարվելու երեք պատճառ:
1. Ծխելը վատացնում է թոքերի ու սրտի աշխատանքը
Ծխելը բացասաբար է անդրադառնում ոչ միայն թոքերի, այլեւ սրտի աշխատանքի վրա ու ավելացնում է սրտանոթային համակարգի կողմից բարդությունները՝ ինչպես վիրահատության ընթացքում, այդպես էլ դրանից հետո: Օրինակ հետազոտողները պարզել են, որ վիրահատությունից հետո ծխողները 77 տոկոսով ավելի հաճախ են կաթված տանում, քան չծխողները:
2. Ծխելը բարդացնում է ցավազրկումը
Ծխողի թոքերը այնպես չեն արձագանքում անեսթեզիային, ինչպես չծխողի թոքերը: Բացի դրանից ծխողները ավելի հաճախ են ցավազրկման խնդիրներ ունենում, քան չծխողները:
3. Ծխելը խանգարում է վերքերի ապաքինմանը
Ծխելը զգալիորեն դանդաղեցնում է մարդու մարմնի հյուսվածքների առողջացմանը: Ծխողների մոտ զգալիորեն ավելի հաճախ է վիրահատություններից հետո վերքերի ինֆեկցիա նկատվում, նրանք ավելի ուշ են ապաքինվում, ավելի շատ խնդիր է ունենում սպիների հետ, մաշկն էլ ապաքինումից հետո ավելի վատ տեսք է ունենում:
Հետևեք NEWS.am Medicine-ին Facebook-ում և Twitter-ում