Առողջ քունը համարվում է օրվա ընթացքում լավ ինքնազգացցողության ու բարձր աշխատունակության երաշխիքը: Սակայն ոչ բոլորին է հաջողվում ամեն գիշեր կուշտ քնել: Ձեր ուշադրությանն ենք ներկայացնում մի քանի խորհուրդ, որոնք կարող են օգնել լավացնել քնի որակը:
1. Պառկեք քնելու եւ արթնացեք միշտ նույն ժամին
Ցանկալի է, որ պառկեք քնելու ու արթնանաք միշտ նույն ժամին: Նույնիսկ հանգստյան օրերին: Այդ ձեւով օրգանիզմը սովորում է այդ ռեժիմին,ու Ձեզ համար ավելի հեշտ է լինում երեկոյան քնով անցնելը եւ առավոտյան անհրաժեշտ ժամին արթնանալը: Հիշեք, որ քնել պետք է օրական առնվազն 6-7 ժամ:
2. Շատ մի կերեք
Ավելի լավ է վերջին անգամ ուտեք քնելուց երկու-երեք ժամ առաջ, հակառակ դեպքում, երբ Դուք գնաք քնելու լցված ստամոքսով, անհանգսիտ քունն ու մղձավանջները ապահովված կլինեն: Գրգռող ըմպելիքները՝ օրինակ թեյն ու սուրճը, կոկա կոլան ու ոգելից խմիչքը նույնպես ցանկալի է խմել ոչ քնից անմիջապես առաջ: Դրանք փոխարինեք խոտաբուսային թեյով կամ էլ մի բաժակ տաք կաթով՝ մեղրով: Եթե դուք շատ եք ուզում որեւէ բան ուտել, բանան կերեք, քանի որ այն խթանում է խորը քնին նպաստող հորմոնների արտադրությունը:
3. Օդափոխեք սենյակը
Քնելուց առաջ պարտադիր օդափոխեք սենյակը, ու եթե փողոցում այդքան էլ ցուրտ չէ, ավելի լավ է օդանցքը բաց քնեք, քանի որ մաքուր օդը շատ օգտակար է ամուր քնելու համար:
4. Հարմարավետ անկողին ընտրեք
Անկողինը պետք է հարմարավետ լինի՝ ոչ չափից փափուկ, ոչ էլ չափից կոշտ: Հոյակապ տարբերակ է հատուկ անատոմիական կամ օրթոպեդիական ներքնակը ( հատկապես նրանց համար, ովքեր ողնաշարում ցավեր ունեն): Ուշադրություն դարձրեք, որ սպիտակեղենը մաքուր լինի ու բնական կտորից:
5. Թողեք, որ աչքերը հանգստանան
Գիրք կարդալ քնելուց առաջ կարելի է, իսկ ահա հեռախոսի ու համակարգչի լուսավոր էկրանին նայել՝ ոչ: Մի շարք հետազոտություններ ցույց են տվել, որ այդ սարքերի էկրանների լույսը խանգարում է որ մենք լավ քնենք:
Հետևեք NEWS.am Medicine-ին Facebook-ում և Twitter-ում