Հայտնաբերվել է գենետիկ մուտացիա, որը վկայում է ապագայում Ալցհեյմերի հիվանդության առաջացման մասին

Մարդիկ, ովքեր այն գենային մուտացիայի երկու պատճենների կրող են, որը կապված է Ալցհեյմերի հիվանդության հետ, գրեթե հաստատ կբախվեն ուղեղի փոփոխությունների, որոնք կպայմանավորվեն այդ դեգեներատիվ խանգարմամբ, նշվել է նոր հետազոտությունում։

Հետազոտողների խոսքով՝ մեկ մուտացվող APOE4 գենը ամենաուժեղ գենետիկ գործոնն է Ալցհեյմերի հիվանդության ավելի ուշ փուլի զարգացման համար։

Միաժամանակ, գրեթե բոլոր մարդիկ, որոնք APOE4 գենի երկու պատճեններն ունեն, 55 տարեկանին մոտ ավելի շատ են հակված Ալցհեյմերի հիվանդության հետ կապված ուղեղի հիվանդություններ ունենալուն, այն մարդկանց համեմատ, ովքեր APOE-ի այլ տարբերակն ունեն, գրել են հետազոտողները Nature Medicine ամսագրում։

65 տարեկանին մոտ APOE4 երկու գեն ունեցող մարդկանց 95 տոկոսը ցուցադրել է ամիլոիդային սպիտակուցի անոմալ մակարդակ ոսկրածուծի հեղուկում, իսկ 75 տոկոսն ունեցել է ամիլոիդի առկայության սքանավորման դրական արդյունքներ, տեղեկացրել են հետազոտողները։ Ամիլոիդի բշտերը Ալցհեյմերի հիվանդության տարբերակիչ ախտանշաններից են։

Բարսելոնայի Սան Պաու հետազոտական ինստիտուտի (Իսպանիա) նյարդաբանական ծառայության հիշողության բաժնի տնօրեն, դոկտոր Խուան Ֆորտեայի խոսքով՝ այդ արդյունքները վկայում են այն մասին, որ APOE4 գենի երկու պատճենների առկայությունը Ալցհեյմերի հիվանդության նոր գենետիկ տեսակ է։

«Այդ գենն արդեն հայտնի է ավելի քան 30 տարի, եւ հայտնի էր, որ այն կապված է Ալցհեյմերի հիվանդության առաջացման բարձր վտանգի հետ։ Բայց հիմա մենք գիտենք, որ այդ գենն ունեցող գրեթե բոլոր մարդկանց մոտ առաջանում է Ալցհեյմերի հիվանդություն»,- նշել է նա։ 

Հետևեք NEWS.am Medicine-ին Facebook-ում և Twitter-ում