Սպիտակուցներով հարուստ մթերքները նույնքան օգտակար են սրտի եւ անոթների առողջության համար, որքան ծխելուց հրաժարվելն ու ֆիզիկական վարժությունները: Այս մասին հայտնել են Արեւելյան Անգլիայի համալսարանի գիտնականները, որոնք ուսումնասիրել են, թե սպիտակուցներում պարունակվող ամինաթթուները ինչպես են ազդում անոթների եւ սրտի աշխատանքի վրա: Նրանք ուսումնասիրել են մարմնի զանգվածի նորմալ ինդեքս ունեցող 2000 երկվորյակ կանանց:
Մասնագետներն հատուկ ուշադրություն են դարձրել հատկապես արգինին, ցիստեին, գլիցին, գլուտամինաթթու, գիստիդին, լեյցին եւ տիրոզին ամինաթթուներին:
«Այդ ամինաթթուները մեծ քանակությամբ օգտագործելը կարգավորում է զարկերակային ճնշումը եւ բարելավում է անոթների պատերի վիճակը»,- ասել են գիտնականները:
Գիտնականները եկել են այն եզրակցության, որ սրտանոթային հիվանդությունները կանխելու համար օգտակար է ամեն օր ուտել 75 գրամ ոչ ճարպոտ տավարի միս կամ 100 գրամ սաղմոնի ֆիլե: Միաժամանակ գիտնականները հիշեցնում են, որ սննդակարգում սպիտակուցի աղբյուր է հանդիսանում ոչ միայն միսը: Սպիտակուցներով հարուստ են ձուն, սունկը, կաթը, պանիրը, կեֆիրը, կաթնաշոռը, լոբին, ոսպը, բրոկոլին եւ ընկույզը:
Հիշեցնենք, որ ավելի վաղ Obesity ամերիկյան ամսագիրը նշել էր, որ անկախ քաշից, ապրելակերպից եւ սննդակարգից՝ մարդիկ պարտադիր պետք է սպիտակուցներով հարուստ մթերքներ օգտագործեն:
Հետևեք NEWS.am Medicine-ին Facebook-ում և Twitter-ում