Իբուպրոֆենի նկատմամբ հազվագյուտ ռեակցիայի պատճառով կինը 17 օր կոմայի մեջ է եղել

Բրազիլացի մի կին պատմել է, որ իրեն արհեստական ​​17-օրյա կոմայի մեջ են գցել՝ իբուպրոֆենի նկատմամբ հազվագյուտ ռեակցիայից հետո, որը նրան «ներսից այրել է», գրում է Daily Mail-ը։

Պապանդուվայի բնակչուհի Ժակլին Գմակը 2011 թվականին ընդունել է առանց դեղատոմսի դեղահաբերը դաշտանային սպազմերը թեթևացնելու համար, բայց նա դեռ տառապում է հետևանքներից: Հաբն ընդունելուց ընդամենը 48 ժամ անց 31-ամյա կնոջ մոտ թեթև քոր է առաջացել աչքերում և արյան բշտիկներ՝ բերանում։

Նրան շտապ տեղափոխել են հիվանդանոց, քանի որ նրա ախտանշանները վատացել են, և դեմքին բշտիկներ են հայտնվել, ինչի պատճառով նա չի կարողացել նորմալ տեսնել:

Բժիշկները հայտնաբերել են, որ նա ունի Սթիվենս-Ջոնսոնի համախտանիշ (SJS) և նրան գցել են կոմայի մեջ:

Մաշկի հազվագյուտ հիվանդությունը հանգեցնում է նրան, որ իմունային համակարգը չափազանց շատ է արձագանքում այնպիսի հրահրողին, ինչպիսին դեղամիջոցն է, և հարձակվում է առողջ մաշկի, լորձաթաղանթների, աչքերի և սեռական օրգանների վրա:

Սակայն, նույնիսկ այսօր, չնայած մեկ տասնյակից ավելի վիրահատություններին, Գմակի տեսողությունը վերականգնվել է ընդամենը 40 տոկոսով:

Հետևեք NEWS.am Medicine-ին Facebook-ում և Twitter-ում