• Latest news

Նոր էնդոպրոթեզները կստեղծվեն ոսկու եւ տիտանի համաձուլվածքից

1 օգոստոսի, 2016  21:40

Ծնկի եւ կոնքազդրային հոդերի էնդոպրոթեզների պատրաստման համար հատուկ համաձուլվածք է ստեղծվել: Այժմ դրանց ստեղծման համար տիտան է օգտագործվում. այն կենսաբանորեն չեզոք է, ամուր եւ ոչ թունավոր:  Չնայած իր բոլոր առավելություններին, նման պրոթեզներն այնուամենայնիվ կոտրվում են եւ անհրաժեշտ է տեղադրումից  10 տարի անց փոխել դրանք:

Էմիլիա Մորոսանը (Emilia Morosan) Ռայսի համալսարանից (Rice University) եւ իր գործընկերները տիտանի եւ ոսկու համաձուլվածք են մշակել, որը մաքուր տիտանից 4 անգամ ավելի ամուր է: Դրանից պատրաստված պրոթեզներն անհամեմատ ավելի երկար կծառայեն, կարծում են հեղինակները, որովհետեւ այդ նյութն ավելի դիմացկուն է: 

Համաձուլվածքը Ti3Au անվանումն է ստացել եւ տիտանի եւ ոսկու երեքը մեկին հարաբերակցություն է պարունակում:  Այն ստանալը բավականին հեշտ է: Այն իդեալականորեն համապատասխանում է էնդոպրոթեզավորմանը. այս պահի դրությամբ դա հավանաբար ամենաամուր միջմետաղային բաղադրյալ կենսանյութն է բոլոր գոյություն ունեցողների մեջ: 

Ամենայն հավանականությամբ Ti3Au-ի համաձուլվածքից հոդերը հնարավոր կլինի տպել նաեւ 3D տպիչով: Նման տեխնոլոգիան արդեն օգտագործվում է տիտանից հոդերի պրոթեզների ստեղծման համար: Դա թույլ կտա տպել հիվանդին իդեալականորեն համապատասխանող հոդ:   Բժիշկները նախ սկանավորում են հոդը, հետո պոլիստիրոլից մակետ են պատրաստում, իսկ հետո արդեն տպում են մետաղական պրոթեզը, որը տեղադրվում է հիվանդի մարմնում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է