• Latest news

Մրգերը եւ բանջարեղենը ծխողներին կարող են պաշտպանել թոքերի օբստրուկտիվ քրոնիկական հիվանդությունից

20 մարտի, 2017  22:38

Ծխողները պետք է բանջարեղեն եւ մրգեր ավելի շատ ուտեն թոքերի օբստրուկտիվ քրոնիկական հիվանդությունից մահվան հավանականությունը նվազեցնելու համար: Շաբաթական 5 օր այս մթերքների օգտագործումը տվյալ հիվանդության առաջացման հավանականությունը 40 տոկոսով նվազեցնում է, հայտնում է The Daily Mail-ը: Իսկ բանջարեղենի կամ մրգերի յուրաքանչյուր լրացուցիչ չափաբաժինը հավանականությունը նվազեցնում է եւս 8 տոկոսով:

«Բոլոր նախկին եւ ներկայիս ծխողները պետք է առավելագույն քանակով բանջարեղեն եւ մրգեր ուտեն»,- նշել է  Thorax magazine-ում հրապարակված հետազոտության առաջատար հեղինակ Ջոաննա Քալուզան:

Շվեդիայի Ստոկհոլմի Թագավորական ինստիտուտի մասնագետները վերլուծել են տարեց եւ միջին տարիքի 44 հազար 335 տղամարդու տվյալները: Մասնակիցներից ոչ մեկը հետազոտության մեջ ընդգրկվելիս թոքերի օբստրուկտիվ քրոնիկական հիվանդությամբ չի տառապել: Գիտնականները նրանց հետեւել են 1998-ից մինչեւ 2012 թվականը: Տղամարդկանց  գրեթե 2/3-ը եղել է նախկի կամ ակտիվ ծխող: Հետազոտության ընթացքում 1918 տղամարդու մոտ թոքերի հիվանդություններ են առաջացել:

Ծխողների շրջանում այն մասնակիցների մոտ, որոնք օրական միջինը 5 եւ ավելի չափաբաժին բանջարեղեն եւ միրգ են կերել, թոքերի օբստրուկտիվ քրոնիկական հիվանդության առաջացման հավանականությունը 40 տոկոսով պակաս է եղել, քան այն մասնակիցների մոտ, որոնք 2 եւ ավելի քիչ չափաբաժին են կերել: Բույսերով հարուստ սննդակարգը դրական է ազդել ոչ միայն թոքերի, այլեւ սիրտ-անոթային համակարգի առողջության վրա: Կանաչեղեն օգտագործող նախկին ծխողների շրջանում թոքերի օբստրուկտիվ քրոնիկական հիվանդության առաջացման հավանականությունը նվազել է 34 տոկոսով: Յուրաքանչյուր լրացուցիչ չափաբաժինը հվանդության առաջացման հավանականության նվազման եւս 4 տոկոս է ապահովել (8 տոկոս ծխողների շրջանում):

Հետազոտողներն առավել արդյունավետ «պաշտպաններ» են համարում խնձորը, տանձը եւ տերեւավոր կանաչեղենը: Սննդի օգտագործման եւ թոքերի օբստրուկտիվ քրոնիկական հիվանդության առաջացման հավանականության նվազման միջեւ կապեր են դիտվել հատապտուղների, ցիտրուսայինների, սոխի եւ լոլիկների դեպքում:

Մասնագետները նշել են, որ հակաօքսիդանտները թոքերը պահպանում են թութունի բացասական ազդեցությունից: Սակայն, ինչպես ընդգծել է հետազոտության համահեղինակ, Լոնդոնի Մարիա թագուհու համալսարանի պրոֆեսոր Սաիֆ Շահինը, սննդակարգը չի փրկի ծխելու բոլոր հետեւանքներից:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է