• Latest news

Գազավորված ջուրը նպաստում է ավելորդ քաշ հավաքելուն. գիտնականներ

16 մայիսի, 2017  10:45

Ավելորդ քաշ հավաքելուն նպաստում են ոչ միայն քաղցր գազավորված ըմպելիքները, այլեւ սովորական գազավորված ջուրը (այդ թվում՝ գազով հանքային ջուրը), որում ոչ մի գրամ շաքար չկա: Պաղեստինի Birzeit University-ի գիտնականները պնդում են, որ գազավորված ջուրը մարդուն ստիպում է ավելի շատ ուտել, ինչն էլ հանգեցնում է ավելորդ քաշ հավաքելուն:

Գիտնականների խոսքով՝ ածխաթթու գազը, որն առկա է գազավորված ջրերում, ոչ միայն հագեցվածության զգացողություն չի ապահովում, ինչպես նախկինում էր ենթադրվում, այլ հակառակը, ստիպում է ավելի շատ ուտել: Հետազոտությունները ցույց են տվել, որ երբ ըմպելիքի հետ կուլ ենք տալիս այդ գազը, քաղցի հորմոնի մակարդակը կտրուկ բարձրանում է:

Առնետների մասնակցությամբ գիտափորձի ընթացքում ապացուցվել է, որ սովորական սննդակարգի հետեւող կրծողները, որոնք շաքարով ոչ գազավորված ըմպելիքներ են ստացել, քաշ չեն հավաքել ավելի, քան առանց շաքարի ջուր խմած առնետները: Բայց երբ կրծողների սննդակարգում գազավորված ըմպելիքներ են ավելացրել, այդ թվում՝ կալորիաներ չպարունակող, առնետները սկսել են գիրանալ: Դա կապված է այն հանգամանքի հետ, որ օրգանիզմում ավելացել է գրելին հորմոնի մակարդակը, որը քաղցի զգացողություն է առաջացնում, ընդ որում՝ ոչ միայն առնետների, այլեւ մարդկանց մոտ:

Այնուհետեւ հետազոտության հեղինակները փորձ են անցկացրել 20 առողջ կամավորների մասնակցությամբ: Այս դեպքում նույնպես նախաճաշին գազավորված ըմպելիքը հանգեցրել է գրելինի մակարդակի բարձրացման:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է