University of Birmingham-ի (Մեծ Բրիտանիա) գիտնականները բորբոքային բիոմարկերներ են հայտնաբերել, որոնց հիման վրա հնարավոր է թեստ ստեղծել, որը դժբախտ պատահարից հետո մեկ ժամվա ընթացքում կարող է ցույց տալ, արդյո՞ք ուղեղը վնասված է:
Նման թեստը կարող է շատ օգտակար լինել սպորտային բժիշկների եւ շտապօգնության աշխատակիցների համար: Այն հարմար է, քանի որ հնարավոր կլինի վնասվածքի առկայությունը որոշել առանց սքանավորման:
Մասնագետները պարզաբանել են, որ ուղեղի վնասվածքի դեպքում հնարավոր կլինի տեսնել բորբոքային սպիտակուցներում վաղ փոփոխությունները: Ընդհանուր առմամբ, ուղեղի տրավմատիկ վնասվածքի երեք մարկեր է հայտնաբերվել՝ CST5, AXIN1 եւ TRAIL: CST5 մարկերն օգնել է մեկ ժամվա ընթացքում գտնել ուղեղի ծանր վնասվածքով հիվանդներին, իսկ AXIN1-ը եւ TRAIL-ը լրացուցիչ օգնել են վնասվածք ունեցող մարդկանց տարբերել մյուսներից:
Այս մարկերները գիտնականները հայտնաբերել են վնասվածք ստացած 30 հիվանդներից պատահարից հետո մեկ ժամվա ընթացքում վերցված արյան նմուշներում՝ մինչեւ նրանց հիվանդանոց տեղափոխելը: Հետազոտողների խոսքով՝ բացահայտված մարկերները կարող են մատնանշել ռիսկի խմբում գտնվող մարդկանց:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր