Սեփական առողջության հանդեպ ուշադրության բացակայությունն է այն պատճառներից մեկը, թե ինչու է ամբողջ աշխարհում տղամարդկանց կյանքի տեւողությունն ավելի ցածր, քան կանանց մոտ, վստահեցնում է Բժշկական հարցերով իրազեկման դաշնային կենտրոնի մասնագետ Հայդրուն Թայսսը։
Աշխարհի երկրների մեծ մասում գերիշխում է այն կարծրատիպը, ըստ որի տղամարդիկ պետք է լինեն ինքնավստահ, անկախ ու անվախ։ Կա սակայն տեսակետ, որ հենց այդ կարծրատիպերն են հանգեցնում նրան, որ տղամարդիկ կանանցից շուտ են մահանում՝ ձգտելով համապատասխանել կարծրատիպային պատկերացումներին ՝ տղամարդիկ ավելի հազվադեպ են դիմում բժշկի ու ավելի քիչ ուշադրություն են հատկացնում սեփական առողջությանը։
Գերմանիայի առողջապահական համակարգը թույլ է տալիս ապահովագրության հաշվին բազմաթիվ կանխարգելիչ հետազոտություններ կատարել, բայց վիճակագրությունը ցույց է տալիս, որ տղամարդիկ այդ հնարավորությունից ավելի հազվադեպ են օգտվում, քան կանայք։
«Տղամարդիկ ավելի հազվադեպ են բժշկի դիմում։ Նրանք ինչ-որ չափով ավելի ռիսկային կյանք են վարում, ավելի շատ ալկոհոլ են խմում, սնվում նվազ առողջարար մթերքներով ու ավելի հազվադեպ են օգտվում առողջապահական հնարավորություններից»,- ասում է Հայդրուն Թասսը։
Techniker Krankenkasse բժշկական ապահովագրական ծառայության տվյալներով՝ 45 տարեկանից մեծ տղամարդկանց միայն 27 տոկոսն է տարեկան անցնում քաղցկեղի ախտորոշիչ, կանխարգելիչ հետազոտություններ, մինչդեռ 20 տարեկանից մեծ կանանց շրջանում այդ ցուցանիշը 59 տոկոս է կազմում։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր