• Latest news

Հետազոտություն.Վիտամին D-ն կարող է մեծացնել հաջող բեղմնավորման հավանականությունը

18 նոյեմբերի, 2017  18:23

Վիտամին D-ն մեծացնում է կանանց հաջող բեղմանավորման հավանականությունը. պացիենտները, որոնք վիտամինի նորմալ մակարդակ են ունեցել 33 տոկոսով ավելի հաճախ են ծննդաբերել եւ 46 տոկոսով ավելի հաճախ բեղմնավորվել, ինչպես ցույց է տվել Բիրմինհեմի համալսարանի գիտնականների նոր հետազոտությունը, որում հետեւել են ռեպրոդուկտոլոգների մոտ բուժվող 2700 կանանց:

Դա բացատրում է, թե ինչու է ավելի հեշտ բեղմնավորվել ամռանն ու աշնանը, երբ մարմնում արեւի շնորհիվ վիտամինը հասցնում է կուտակվել: Նաեւ գիտնականները կարծում են, որ եզրահանգումներն ակտուալ են նաեւ արհեստական բեղմնավորում անող եւ նաեւ բնական ճանապարհով հղիանալ ցանկացող կանանց  համար:

Կա տեսություն, ըստ որի վիտամին Դ-ն ճնշում է իմունային համակարգի կողմից բորբոքային պատասխանը: Դա մեծացնում է էմբրիոնի արգանդում կպչելու հավանականությունը հղիության ամենասկզբում:

Ի միջի այլոց, վիտամին Դ-ն կարեւոր է նաեւ պտղի աճի համար. այն ազդում է երեխայի ոսկորների աճի վրա՝ ներարգանդային զարգացման փուլում: Իհարկե, կուրորեն խմել վիտամինային հավելումներ չի կարելի: Դրա ավելցուկը կարող է հանգեցնել նրան, որ մարմնում կարող է չափից շատ կալցիում կուտակվել: Իսկ դա, ընդհակառակը, կթուլացնի ոսկորները, կվնասի սրտին ու երիկմներին:

Մեկ այլ ուսումնասիրություն, որը հրապարակվել է Journal of Allergy and Clinical Immunology ամսագրում, ցույց է տվել, որ վիտամին Դ-ի ընդունումը հղիության ընթացքում կարող է հետագայում օգնել երեխայի մոտ նվազեցնել ասթմայի առաջացման հավանականությունը:

Ավելին, վիտամին Դ-ով հարուստ սննդակարգը 17 տոկոսով կնվազեցնի ժամանակից շուտ սկսվող դաշտանադադարի հավանականությունը:  Այդ մասին ասվում է American Journal of Clinical Nutrition-ում հրապարակված ուսումնասիրության մեջ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է