• Latest news

Անծանոթ կնոջ զգեստի լուսանկարի տակ խրախուսական գրառումը օգնել է փրկել քաղցկեղով հիվանդ տղային (ֆոտո)

14 մարտի, 2018  19:45

Համացանցի օգտատերերը բազմազավակ հորն օգնել են փող հավաքել իր երեխաներից մեկի բուժման համար, երբ նա պատասխանել է պատահական հաղորդագրության եւ հռչակավոր դարձել:

Ինչպես հայտնում է Bored Panda-ն, Տոնին մարտի սկզբին iMessage-ում ստացել է շքեղ զգեստով անծանոթ կնոջ լուսանկար:

Նա ի պատասխան գրել է. «Կարծում եմ, որ այս հաղորդագրությունը մեկ ուրիշի համար էր նախատեսված: Կինս տանը չէ, այնպես որ՝ չեմ կարող նրա կարծիքն իմանալ, բայց իմ երեխաները եւ ես կարծում ենք, որ դուք այս զգեստով շշմեցուցիչ տեսք ունեք: Դուք պետք է դրանով ներկայանաք հանրությանը»: Իր բառերը հաստատելու համար տղամարդը աղջկան է ուղարկել իր 5 երեխաների լուսանկարը՝ որպես հավանության նշան վեր պարզած բթամատներով:

Զվարճալի պատմությունն ակնթարթորեն համացանցում վարակիչ է դարձել, իսկ անծանոթների նամակագրությամբ գրառումը հազարավոր լայքեր ու վերագրառումներ է ունեցել:

Որոշ ժամանակ անց @_Hedge անունով օգտատերը գրառման մեկնաբանություններում նշել է, որ Կայզլեր անունով 6-րդ երեխան լուսանկարում բացակայում է, քանի որ լեյկեմիայի դեմ բուժում է ստանում: Գրառմանը կցված էր նաեւ նվիրատվությունների համար էջին հղումը:

Հաշված օրերի մեջ սրտացավ մարդիկ ավելի քան 30 հազար դոլար են նվիրաբերել Կայզլերի բուժման համար, ըստ որում՝ բարեգործական արշավի նպատակով նշված էր 10 հազար դոլար թիվը: «Սա ավելի շատ է, քան ինքներս ներդրել ենք վերջին 2 տարում: Սա զարմանալի է»,- հայտարարել է Տոնին լրագրողների հետ զրույցում: Նա հավելել է, որ այս ամբողջ ընթացքում աշխատել է, սակայն վերջին շրջանում լուրջ ֆինանսական դժվարությունների է բախվել:

Տոնիի խոսքով՝ իր որդին մեկ տարուց ավելի բուժվում է: Նա  արդեն քիմիաթերապիայի մեկ կուրս է անցել: Բժիշկներն ասում են, որ նա առողջանալու լավ հնարավորություններ ունի:

  

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է