Հղիության ժամանակ պարացետամոլի ընդունումը կարող է նվազեցնել երեխայի IQ-ն եւ մեծացնել աուտիզմի ու ուշադրության դեֆիցիտի եւ հիպերակտիվության համախտանիշի (ADHD) զարգացման հավանականությունը: Այս մասին հայտնում է The Daily Mail-ը՝ վկայակոչելով ԱՄՆ մի շարք համալսարանների հետազոտությունները:
Հետազոտությանը մասնակցել է 150 հազար մայր եւ նորածին: Պարզվել է, որ պարացետամոլն անմիջաբար ազդում է արգանդում հորմոնալ հաշվեկշռի վրա: Նախկինում գիտնականները կապ են հայտնաբերել նաեւ հղիության ժամանակ պարացետամոլ ընդունելու եւ հետագայում երեխայի խոսքի զարգացման հապաղման միջեւ:
Պարացետամոլը սովորաբար հնարավոր է գնել առանց դեղատոմսի, ընդ որում՝ հղիներն այն հաճախ են խմում: Մինչդեռ հղիության շրջանում պարացետամոլ ընդունելը 30 տոկոսով մեծացնում է երեխայի մոտ ADHD զարգացման հավանականությունը, իսկ աուտիզմի՝ 20 տոկոսով:
Սրա հետ կապված՝ մասնագետները կանանց խորհուրդ են տալիս հղիության ժամանակ պարացետամոլի ընդունումը նվազագույնի հասցնել: Գիտնականները նաեւ համոզված են, որ անհրաժեշտ է ուշադրություն դարձնել ավելի անվտանգ անալգետիկների մշակմանը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր