Mount Sinai Hospital-ի հոսպիտալի Բժշկական դպրոցի գիտնականների բացահայտած դեղերի նոր «կոկտեյլը 40 անգամ մեծացնում է ինսուլինի արտադրությունը: Այս համադրությունը կարող է շաքարախտի բուժման բանալի լինել:
Առաջին տիպի շաքարախտն այսօրվա դրությամբ անհնար է բուժել: Այս հիվանդության դեպքում բետա բջիջների պակաս է նկատվում, որոնք ինսուլին են արտադրում: Առանց ինսուլինի անհրաժեշտ քանակի մարդու օրգանիզմը չի կարող համարժեք կերպով գլյուկոզա կամ շաքար վերամշակել:
Այժմ գիտնականները հայտնաբերել են, որ հարմին անունով նոր դեղը կարող է ենթաստամոքսային գեղձի բջիջներին «տուրբոլիցքավորում» ապահովել. դրանք կսկեն օրական 10 անգամ ավելի շատ բետա բջիջներ արտադրել:
Ավելին, երբ հարմինը երկրորդ դեղի համակցությամբ են տվել, որը սովորաբար կիրառվում է ոսկրերի աճի խթանման համար, օրգանիզմի կողմից արտադրվող բետա բջիջների քանակը 40 անգամ աճել է:
Դեղը դեռ փորձնական է եւ անընդհատ թեստավորման նախնական փուլեր է անցնում, բայց հետազոտողները կարծում են, որ բետա բջիջների վրա ազդող այս հզոր էֆեկտը կարող է արմատական ձեւով փոխել ինսուլինից կախվածություն ունեցող առաջին եւ երկրորդ տիպի շաքարախտով հիվանդների բուժման ողջ ալգորիթմը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր