• Latest news

Աչքերի հատուկ «սոսինձը» կարող է վերականգնել եղջերաթաղանթի կտրվածքները

22 մարտի, 2019  22:31

GelCORE հատուկ գելը կարող է սոսնձել եղջերաթաղանթի կտրվածքները, ինչպես նաեւ բուժել խոցերը եւ աչքերի այլ վնասվածքները: Հարվարդի համալսարանի գիտնականների մշակած «սոսինձը» նպաստում է մոլեկուլյար մակարդակում հյուսվածքների վերականգնմանը:

Գելը մշակելիս հետազոտողներն օգտագործել են ժելատին՝ էոզին եւ տրիէթանոլամին օրգանական նյութերի հավելմամբ: Կապույտ լույսով լուսավորելիս ստացված նյութը վերածվում է ամուր եւ թափանցիկ պոլիմերային միացության: Այս արդյունքին հասնելու համար բավական է վնասված եղջերաթաղանթը մշակել մութ սենյակում, այնուհետեւ լույսը միացնել:

Ճագարների վրա կատարված փորձերի արդյունքները վկայում են GelCORE-ի արդյունավետության մասին, որը սոսնձում է լուրջ կտրվածքները՝ այդ ընթացքում բորբոքային պրոցեսներ չառաջացնելով: Ուշագրավ է, որ գելն իր ամրությամբ բիոնյութերին գերազանցում է, որոնք կիրառվում են տարատեսակ վերքերի սոսնձման համար:

Բացառված չէ, որ GelCORE-ի կլինիկական փորձարկումներն անցկացվեն ընթացիկ տարում:

Հետազոտության արդյունքները ներկայացվել են Science Advances ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել