• Latest news

Գիտնականները նշել են քաղցկեղի առաջացման վտանգը նվազեցնելու միջոցի մասին

6 մայիսի, 2019  20:10

Սպորտով կանոնավորապես զբաղվելը բարերար ազդեցություն է ունենում ուռուցքային հիվանդություններ ունեցող մարդկանց վրա։ Համաձայն Ջոնս Հոփկինսի համալսարանի (ԱՄՆ) գիտնականների հետազոտության՝ ֆիզիկական բեռնվածությունները 89 տոկոսով նվազեցնում են աղիների քաղցկեղից մահվան  հավանականությունը։

Հետազոտությանը ներգրավվել է 49 143 մարդ, որոնց միջին տարիքը կազմել է 54 տարեկան։ Բոլոր փորձարկվողները բժիշկների կողմից հետազոտվել են մոտ յոթ տարի։ Հետազոտության սկզբում 388 կամավորների մոտ առաջացել է թոքերի քաղցկեղ, 220-ի մոտ՝ աղիների ուռուցքներ։ Ընդհանուր առմամբ, քաղցկեղի այդ տեսակներից մահացել է հետազոտության 371 մասնակից։

Ստացված արդյունքների համաձայն՝ ֆիզիկական բեռնվածություններին կանոնավորապես ժամանակ հատկացնող անձանց մոտ թոքերի քաղցկեղի առաջացման վտանգը նվազում է 77 տոկոսով, աղիների քաղցկեղինը՝ 61 տոկոսով։ Բացի այդ, սպորտի սիրահարների այս խմբում թոքերի քաղցկեղից մահացությունը նվազել է 44 տոկոսով, աղիների քաղցկեղից՝ 89 տոկոսով։

Գիտնականները նշում են, որ ֆիզիկական ակտիվությունը դրականորեն է անդրադառնում սրտի եւ թոքերի վրա, ինչպես նաեւ ամրացնում է իմունային համակարգը։ Բացի այդ, սպորտով զբաղվելը նվազեցնում է օրգանիզմում բորբոքային պրոցեսները։ Այս ամենն օգնում է նվազեցնել չարորակ նորագոյացությունների առաջացման վտանգը։

Հետազոտության արդյունքները հրապարակվել են Cancer ամսագրում։

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի