• Latest news

Գիտնականները գտել են սրտի կանգից առողջ մարդկանց հանելուկային մահվան պատճառը

19 նոյեմբերի, 2019  16:00

ԱՄՆ-ում Մասաչուսեթսի տեխնոլոգիական ինստիտուտի եւ Հարվարդի համալսարանի գիտնականները ԴՆԹ-ում հազվագյուտ մուտացիաներ են գտել, որոնք պատասխանատու են սրտի կանգից առողջ մարդկանց հանկարծամահության համար: Այս մասին հայտնում է MedicalXpress պարբերականը:

Մասնագետները պարզել են սրտի հանկարծակի կանգից մահացած 600 մարդու ԴՆԹ-ի նուկլեոտիդային հաջորդականությունը, եւ դրանք համեմատել են հսկիչ խմբի 600 պացիենտների տվյալների հետ: Գիտնականներին այս կերպ հաջողվել է որոշել 15 գենետիկ տարբերակներ, որոնք այդ պրոցեսում առանցքային դեր ունեն:

Հետազոտողներն ուսումնասիրել են նաեւ միջին տարիքի 4525 մեծահասակների գեները, որոնք սիրտ-անոթային հիվանդությունների որեւէ նշան չեն ունեցել, եւ 41 մարդու մոտ հայտնաբերել են ախտածին ԴՆԹ, որը կապված է սրտի կանգի եւ դրա հետեւանքով մահվան հետ: Այս խմբում սիրտ-անոթային հիվանդությունների հետեւանքով մահվան հավանականությունը ավելի քան 3 անգամ բարձր էր:

Գիտնականների խոսքով՝ գեներում ճակատագրական փոփոխություններն ընդհանուր առմամբ հանդիպում են մեծահասակների 1 տոկոսի շրջանում, որոնց մոտ որեւիցե ախտանշաններ չեն գրանցվում:

Գիտնականների տվյալներով՝ սրտի հանկարծակի կանգից ամեն տարի մահանում է 220 հազար մեծահասակ, որոնց մեծամասնությունը սիրտ-անոթային համակարգի հետ կապված ոչ մի խնդիր չի ունեցել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է