• Latest news

Ինքնասպանության փորձը տղամարդուն փրկել է քաղցկեղի պատճառով մահից

6 փետրվարի, 2020  12:54

Շոտլանդիայից 38-ամյա Ռոբերտ Ալլենը հիվանդանոց է տեղափոխվել անհաջող ինքնասպանության փորձից հետո: Այդ ժամանակ պարզվել է, որ նրա մոտ նախնական փուլերում լյարդի քաղցկեղ է: Վաղ ախտորոշումը փրկել է նրա կյանքը:

Daily Mirror-ի հաղորդմամբ՝ Ռոբերտը բողոքել է հոգնածությունից եւ չի կարողացել ուժ գտնել 4 տարեկան որդուն դաստիարակելու համար:

«Ես ուժ չունեի որդուս հետ խաղալու համար: Ես մշտապես հետաձգում էի խաղերը, եւ այդ պատճառով գլխումս մի միտք էր ծագում, որ ես վատ հայր եմ»,- պատմել է նա:

Դրա պատճառով 2019-ին հունվարի 29-ին տղամարդը փորձել է ինքնասպան լինել, սակայն նրա կինը ժամանակին փրկել է նրա կյանքը: Հաջորդ օրը նա ամուսնուն տարել է հիվանդանոց, որտեղ ախտորոշվել է լյարդի ուռուցք մոտ 6 սմ չափով:

2019-ի ապրիլին բժիշկները հաջողությամբ հեռացրել են ուռուցքը:     

«Իմ հոգեկան խանգարումը շատ ավելի վտանգավոր էր, քան քաղցկեղը: Կարծում եմ, որ քաղցկեղը ստիպեց ինձ լիովին փոխվել: Այժմ ես ինձ նվիրում եմ իմ ընտանիքին»,- ասել է Ռոբերտը:

Նա վստահ է, որ ինքնասպանության փորձը փրկել է նրա կյանքն ու նոր կյանք սկսելու շանս տվել: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել