• Latest news

Պացիենտների միայն 10 տոկոսի մոտ է կորոնավիրուսի դեմ հակամարմիններ մշակվում

8 հունիսի, 2020  16:47

Նոր կորոնավիրուսով վարակված պացիենտներից միայն 10 տոկոսի մոտ են մշակվում այդ վիրուսի դեմ հակամարմիններ: Այսպիսի կարծիք է հայտնել Առողջապահության համաշխարհային կազմակերպության խորհրդական, պրոֆեսոր Քերոլ Սիկորան, փոխանցում է The Daily Mail-ը:

Նրա խոսքով՝ COVID-19-ը հաղթահարած մարդկանց մեծամասնության մոտ հակամարմինների անալիզի պատասխանը բացասական կլինի: Եվ հենց այս պատճառով իմաստ չունեն հակամարմինների ստուգման համար բնակչության զանգվածային թեստավորումները. դրանք չեն օգնի համավարակի իրական մասշտաբները գնահատելուն:

Շատ երկրների կառավարություններ հույս ունեն, որ կորոնավիրուսի դեմ հակամարմինների ստուգման զանգվածային թեստավորումը կօգնի ճիշտ որոշումներ կայացնել կարանտինային միջոցառումների թուլացման կապակցությամբ. նրանք, ովքեր կորոնավիրուսի դեմ իմունիտետ ունեն, կկարողանան, օրինակ, աշախատանքի վերադառնալ:

Բայց, մասնագետի խոսքով, հիվանդությունը հաղթահարածներից ամենեւին ոչ բոլորի մոտ են հակամարմիններ մշակվում. ոմանց օրգանիզմը, հնարավոր է, վիրուսից պաշտպանվելու համար այլ իմունային պատասխան է օգտագործում: Օրինակ՝ Т բջիջները օրգանիզմի պաշտպանության առաջին գիծն են, եւ դրանք սկսում են «գործել» դեռեւս մինչ այն, երբ հակամարմինների անհրաժեշտություն է առաջանում:

Մասնագետի խոսքով՝ օրգանիզմի իմունային պատասխան որոշ հատվածներ գիտնականների համար առայժմ գաղտնիք են մնում. դրանք դեռեւս անհնար է հասկանալ կամ «չափել»: Իսկ դա նշանակում է, որ կորոնավիրուսի համավարակի իրական չափերը գնահատելու կամ հիվանդությունն արդեն հաղթահարածներին հայտնաբերելու միջոց, հավանաբար, չկա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է