• Latest news

Գիտնականները նյութ են ստեղծել, որը կարող է դյուրացնել կոտրվածքների բուժումը

13 հունիսի, 2020  22:37

Յելի Ֆրիդրիխ Շիլերի անվան համալսարանի եւ Վյուրցբուրգի համալսարանի գիտնականները մշակել են եզակի միացություն՝ ոսկորների միացման եւ իմպլանտների պատրաստման համար ցեմենտ: Այս նյութի գլխավոր առանձնահատկությունն այն է, որ կարող է ինքնուրույն վերականգնվել:

Ոսկորների փոխարինման նյութը պատրաստված է կալցիումի ֆոսֆատի եւ ցեմենտի հիմքով, ամրացված ածխածնային մանրաթելերով, որոնք երաշխավորում են վնասվածքների հանդեպ ամրություն եւ ճեղքեր առաջանալիս ինքնուրույն վերականգնում, հայտնում է «ՌԻԱ Նովոստի»-ն:

Բժշկության մեջ իրեն լավ երաշխավորած կալցիում-ֆոսֆատային ցեմենտը խթանում է ոսկրային հյուսվածքի կազմավորումը եւ ապահովում արյունատար անոթների ներաճը: Այն հարմար է աշխատանքի մեջ, բայց միաժամանակ աչքի է ընկնում փխրունությամբ, ինչը ծանրաբեռնվածության դեպքում ճեղքեր է առաջացնում եւ սահմանափակում ցեմենտի կիրառման գոտին: Մինչեւ վերջին ժամանակները այն հիմնականում օգտագործվում էր տանող դերակատարում չունեցող ոսկորներում, հաճախ դեմքի եւ ծնոտի հատվածներում:

Իսկ նոր ցեմենտը համանման խնդիրներ չունի. հնարավոր բոլոր ճեղքերը ածխածնային մանրաթելերի շնորհիվ ուղղակի ինքնուրույն սերտաճում են: Գիտնականների խոսքով՝ մանրաթելերը ճեղքերի եզրերը միացնում են դրանց առաջացմանը զուգահեռ՝ միաժամանակ գործարկելով ճեղքերի խոռոչներում հավաքվող հեղուկների հետ շփվելիս միներալացման պրոցեսը: Այսպիսով, ստացվում է ճեղքերի վրա մոնոլիտ «կարկատան»:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ