• Latest news

Երեւանում բնական ճանապարհով բեղմնավորված եռյակ տղաներ են ծնվել (ֆոտո)

24 հունիսի, 2020  00:27

Օրերս Երեւանի «Սեբաստիա Ծննդատանը» լույս աշխարհ են եկել եռյակ տղաներ՝ բնական ճանապարհով բեղմնավորված։ Այս մասին հայտնում է ծննդատան ֆեյսբուքյան էջը։

««Սեբաստիա Ծննդատանը» հերթական եռատոնն է: Արդեն երկրորդ անգամն է, որ ծննդատան կոլեկտիվն ականատեսն ու անմիջական մասնակիցն է դառնում բնական ճանապարհով հղիացած եռյակի լույս աշխարհ գալուն», - ասվում է հաղորդագրության մեջ։

Կեսարյան հատումով ծնված Հայկը, Հայկազն ու Հենրին լիարժեք առողջ երեխաներ են: Նրանց մայրը՝ Արմինե Թովմասյանը, եւս առողջ է եւ իրեն լավ է զգում։ Ի դեպ, տանը եռյակներին սպասում է նրանց ավագ քույրը։

Հղիության ընթացքը հսկած մանկաբարձ-գինեկոլոգ Բերսաբե Դարմանյանի խոսքով՝ Արմինեն հղիության 9-րդ շաբաթից իր մոտ էր հսկվում։

«Իմ պրակտիկայում արդեն չորրորդ անգամ եմ վարում բազմապտուղ հղիություն և անասելի հպարտություն է մեր ազգին երեք զինվոր պարգևելու գործը ստանձնելն ու Թովմասյանների ընտանիքին Աստծո օրհնությունը եռակի կերպով հասցնելու գործին «մասնակցելը»», - նշում է մասնագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ