• Latest news

Ինչով է վտանգավոր զարկերակային բարձր ճնշումը

9 սեպտեմբերի, 2020  09:41

Զարկերակային բարձր ճնշումը եւ 2-րդ տիպի շաքարախտը վտանգավոր են ուղեղի համար եւ բացասաբար են ազդում ճանաչողական ունակությունների, այդ թվում` մտածողության եւ հիշողության վրա: Այս մասին հայտնում են Օքսֆորդի համալսարանի գիտնականները, որոնց նոր հետազոտության արդյունքները հրապարակվել են Nature Communications ամսագրում: 

Նրանք վերլուծել են UK Biobank-ի երկարաժամկետ ուսումնասիրության 22 000 մասնակիցների ՄՌՏ հետազոտության տվյալները: Դրանք թույլ են տվել հետեւել գլխուղեղի մոխրագույն եւ սպիտակ նյութերի փոփոխություններին՝ հաշվի առնելով կլինիկական, ժողովրդագրական եւ ճանաչողական գործոնները: Ինչպես պարզվել է, արյան մատակարարման հետ կապված ռիսկի գործոնները (այդ թվում՝ հիպերտոնիան եւ շաքարախտը) ազդում են ճակատային շրջանում ուղեղի նյութի ծավալի վրա, ինչպես նաեւ հատվածների միջեւ սպիտակ նյութի ամբողջականության վրա:

Պարզվել է, որ 44-70 տարեկան մասնակիցների մոտ զարկերակային բարձր ճնշումը կապված է ճանաչողական գործառույթի վատթարացման հետ: Հետաքրքիր է, սակայն, որ այդ հարաբերակցությունը չի հայտնաբերվել 70-ից բարձր տարիքի մարդկանց մոտ: Հետազոտության մասնակիցների 5%-ը տառապել է 2-րդ տիպի շաքարախտով, եւ պարզվելէ, որ այս հիվանդությունը նույնպես հիշողության եւ մտածողության նվազման գործոն է:

Գիտնականների խոսքերով՝ հիպերտոնիայի եւ շաքարախտի պատճառով հիշողության կորուստը իսկապես համեմատելի չէնրա հետ, ինչ տեղի է ունենում դեմենցիայի դեպքում: Սակայն նման ազդեցության փաստն ինքնին ցույց է տալիս ուղեղի աննշան վնասումը, որը տեղի է ունենում միջին տարիքում: Կարեւոր է կանխարգելել այս վատթարացումը` հետագա խնդիրները կանխելու համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։