• Latest news

Բացասական էմոցիաներիով մարդիկ ավելի հաճախ են մահանում սրտի կաթվածից. հետազոտություն

17 սեպտեմբերի, 2020  23:34

Այն հիվանդները, ովքեր հաճախ են բացասական էմոցիաներ զգում եւ բնավորության այնպիսի գծեր ունեն, ինչպիսիք են հեգնանքը, ցինիզմը, դժգոհությունն ու դյուրագրգռությունը, ավելի հաճախ են մահանում սրտի կաթվածից: Այս անսպասելի եզրակացությանն են հանգել Նոքսվիլ քաղաքի Թենեսիի համալսարանի (ԱՄՆ) գիտնականները:

Ըստ Science Times-ի` հետազոտությանը մասնակցել է 2.321 մարդ, որոնց 68 տոկոսը տղամարդիկ էին: Նրանք բոլորը սրտի կաթված էին տարել: Նրանց միջին տարիքը 67 տարեկան էր:

Մասնագետները չափել են կամավորների թշնամանքի զգացողության մակարդակը, որը հաշվի է առնվում դրական եւ բացասական աֆեկտների հաճախականության եւ վարքի խանգարումների ախտորոշման համար: Գանահատականի համաձայն` մասնակիցների 57 տոկոսը հաճախ թշնամական վարք է դրսեւորել:

Պարզվել է, որ հաճախակի բացասական աֆեկտները կարող են կանխատեսել սրտի երկրորդ կաթվածը` անկախ սեռից, կրթությունից, ընտանեկան կարգավիճակից, հիպերտոնիայի եւ շաքարախտի առկայությունից, եւ նույնիսկ` անկախ հիվանդի ծխելու կամ չծխելու հանգամանքից: Բացի այդ, հեգնականությունը, ցինիզմը եւ այլ նմանատիպ հատկություններ բնորոշ են սուր կորոնար համախտանիշով հիվանդներին:

Սակայն դեռ ստույգ հայտնի չէ, թե կոնկրետ ինչպես է թշնամանքի զգացողության մակարդակն ազդում մարդու օրգանիզմի վրա, ընդգծում են փորձագետները:





Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է