• Latest news

Ի՞նչ անել, եթե աշնանը ախորժակը մեծանում է

20 սեպտեմբերի, 2020  11:28

Աշնանը շատերը բախվում են ախորժակի մեծացման խնդրին՝ ցրտերի եւ ցերեկային ժամերի կրճատման պատճառով անընդհատ ուտել ենք ուզում: Ինչո՞ւ է դա տեղի ունենում։

Համարվում է, որ աշնանը, երբ օրերը կարճանում են, օրգանիզմը ավելի շատ մելատոնին է արտադրում՝ հորմոն, որը ստիպում է հոգնածություն զգալ եւ քնկոտություն է առաջացնում: Միեւնույն ժամանակ, սերոտոնինի՝ այսպես կոչված «ուրախության հորմոնի» արտադրությունը նվազում է: Որպեսզի սերոտոնինի մակարդակը կրկին բարձրանա, օրգանիզմը համապատասխան ազդակներ է ուղարկում ուղեղին՝ առաջացնելով քաղցր եւ աղի ուտելու ցանկություն, հայտնում է Fit for Fun ամսագիրը:

Ի՞նչ անել նման իրավիճակում: Ահա մի քանի օգտակար խորհուրդներ, որոնք կօգնեն ձեզ վերահսկել ախորժակը աշնանը.

Ավելի շատ սպիտակուցներ

Աշնանը ցանկալի է սննդակարգին ավելացնել ավելի շատ սպիտակուցային արտադրանք՝ դրանց յուրացումը շատ ժամանակ է պահանջում, ինչը ապահովում է հագեցման ավելի երկար զգացում: Նախ եւ առաջ խորհուրդ է տրվում նախաճաշին ավելացնել ավելի շատ սպիտակուցներ, որպեսզի ամբողջ օրվա ընթացքում ավելի արդյունավետորեն վերահսկեք ձեր կալորիաների ընդունումը:

Նախուտեստներ

Փորձեք միջանկյալ ուտել առողջ սնունդ՝ ընկույզ, խուրմա, ոչ շատ հասած բանան, թուզ: Եւ փորձեք հեռու մնալ շաքար պարունակող քաղցրավենիքներից:

Առողջ սնունդ

Որոշ մթերքներ նվազեցնում են ուտելու ցանկությունը՝ ստամոքսի եւ աղիների կողմից դրանց մարսելու առանձնահատկությունների շնորհիվ: Դրանցից են, օրինակ, ձուն, ավոկադոն, կտավատի սերմերը, կոճապղպեղը եւ չիլին: Խորհուրդ է տրվում նաեւ դրանք ավելացնել աշնանային սննդակարգին:

Շեղում

Ախորժակի սրման պահերին կարող եք փորձել շեղվել՝ օրինակ՝ տաք թեյ կամ բուսական ըմպելիք խմել:

Սուրճ

Մարդիկ, ովքեր հակացուցումներ չունեն, թույլատրվում է օրական օգտագործել մինչեւ 4 բաժակ սուրճ: Համարվում է, որ այս ըմպելիքը նվազեցնում է ախորժակը, բայց շատ կարեւոր է այն առանց շաքարի խմել:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։