• Latest news

Վիրավորումների գրեթե 100 տոկոսը ականապայթյունային վիրավորումներ են. նախարար

6 հոկտեմբերի, 2020  10:34

Ադրբեջանի հարձակման արդյունքում ստացված վիրավորումների ճնշող մեծամասնությունը՝ գրեթե 100 տոկոսը, ականապայթյունային վիրավորումներ են, ոչ հրազենային: Այս մասին լրագրողների հետ զրույցում հայտնեց առողջապահության նախարար Արսեն Թորոսյանը:

«Այս պատերազմը, այնպես է ստացվել, որ օդային կամ հրետանային, կամ թռչող անօդաչու սարքերով պատերազմ է, եւ մեր վիրավորումների ճնշող մեծամասնությունը ականապայթյունային է՝ մարմնի մեջ բազմաթիվ բեկորներով: Եվ հենց այդ բեկորներն են, կամ պայթյունի ուղիղ ուժը, որ առաջացնում են վիրավորումը կամ, դժբախտաբար, նաեւ մահը»,- ասաց նա:

Նախարարի խոսքով՝ այս պահի դրությամբ Արցախի Հանրապետության թե՛ քաղաքացիական, թե՛ ռազմական բժշկական հաստատությունները ապահովված են անհրաժեշտ դեղորայքով, բժշկական պարագաներով, սարքավորումներով, ինչպես նաեւ արյան պաշարներով: Ադրբեջանի հարձակման արդյունքում վիրավորում ստացած մարդիկ այս պահին ամբողջ բժշկական ոլորտի ուշադրության կենտրոնում են:

«Մատակարարումները արվում են անխափան, բոլոր անհրաժեշտ պարագաների եւ բժշկական անձնակազմի, երբեմն իրենք են խնդրում, որ գնան ու օգնեն Արցախի կոլեգաներին: Մենք երբեմն նույնիսկ մերժում ենք, որպեսզի այդ ամենը կանոնակարգված արվի, եւ ամենօրյա ռեժիմով զբաղվում ենք դրանով: Ինչպես նաեւ կատարում ենք օպերատիվ կառավարում, երբ հասկանում ենք, որ մի կետում այդ պահին օպերատիվ իրավիճակով դրդված անհրաժեշտ է լինում ուժերի կենտրոնացում, եւ մեկ ուրիշ տեղ ավելի հանգիստ է, արագ տեղափոխումները կատարվում են Արցախի մեջ՝ մի բժշկական հիմնարկից մեկ այլ,- դա վերաբերվում է ոչ միայն բժշկական անձնակազմին, այլ ամեն ինչին,- ինչպես նաեւ Հայաստանից Արցախ»,- ասաց նախարարը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է