Մազաթափություն. գիտնականները պատմել են կորոնավիրուսի անսպասելի հետեւանքի մասին

Կորոնավիրուսով վարակումը կարող է անսպասելի հետեւանք ունենալ՝ հանգեցնել մազաթափության: Այս մասին հայտնում են ճապոնացի գիտնականները, հաղորդում է ՌԻԱ Նովոստին:

Հետազոտության համաձայն՝ կորոնավիրուսով վարակումից մի քանի ամիս անց պացիենտների մեկ քառորդը, որոնք ապաքինվել են կորոնավիրուսից, բախվել են մազաթափության խնդրի հետ:

Կորոնավիրուսի ախտորոշմամբ ստացիոնար բուժում ստացած պացիենտների շրջանում դուրսգրումից հետո եւս նկատվել են այնպիսի ախտանիշներ, ինչպես օրինակ՝ հեւոց (պացիենտների 11%-ի մոտ), թուլություն (10%-ի մոտ), հոտառության խախտում (10%-ի մոտ): Ապաքինումից հետո որոշների մոտ նկատվել է հազ եւ համային զգացողությունների խախտում:

Հետազոտողների խոսքով՝ նման ախտանիշներ են եղել նաեւ նրանց մոտ, ովքեր վարակվել են Էբոլա տենդով: Այնուամենայնիվ, գիտնականների նշում են, որ տվյալ հետեւանքները կարող են կապված լինել պացիենտների հոգեկան ապրումների հետ:  

Հետևեք NEWS.am Medicine-ին Facebook-ում և Twitter-ում